Hautekiet
"Nen echten Izegemnoare is nen dulle werker, entwiene die geerne leeft en veel leute makt"
wo 25 okt. - 9:43
Helaba, ge moe ne kjé goed orten noa mie é.
Izegem is de Pekkersstad, ne stad die weireldberoemd is voe zien skoen en vroeger wok voe zien bustels, moa doar is ‘t er nu nie vele mee van te ziene zulle, of t’ nis in ‘t skoe en bustlemuzeum ‘n Eperon D’Or.
Nen echten Izegemnoare is nen dulle werker, entwiene die geerne leeft en veel leute makt, antieden een pinte goat goan drienken, een partie goat goan koarten, en oakeweirden over ‘t voetbal, ‘t were of de politiek, dadde ‘t is liefste da ze doen en ‘t goat er dikkens stief luwe aan toe.
Voe te sporten is ‘t ier wok nen droom, met oes sjiek nieuw stadium, oes sporthalle en groote zwemkom.
En in oes kultureel centrum ‘de Leest’ is ‘t er oltiet wel entwadde te doene, muziek, theoatre, films of zelfs lesse volgen voe van olles en nog.
Moa mien gat skuuffelt nog meest van ol oek ip reibadei kan goan met mien moaten, toope kluchten zitten vetelen en zwarte skoole hoeden, mekaar ne kl. aftrekken, en veel leute moaken ‘t nis moa in Izegem bie de pekkers dat da zoe geestig is!
Oei dadde wilt zienne moei moa ne kee oversteken hé!
Toet ton é!
(Bekijk hieronder de minuut van Jan Bogaert. Onze excuses voor de slechte geluidskwaliteit.)